Felices lecturas de Nadal!

 Desde a Biblioteca do IES Fonmiñá queremos desexarvos unhas  merecidas vacacións de Nadal, cheas de descanso e de boas lecturas. 

Que o 2021 veña cargado de esperanzas e ilusións!

A lectura dá sentido e saúde á nosa vida!

Rematou o trimestre e chegou o Nadal!

Damos remate a estes meses de traballo para darlle paso ás ansiadas vacacións de Nadal. Tentamos pechar este 2020 con actividades divertidas e ben diferentes.

Nos días previos o alumnado decorou as súas aulas, recollemos algúns dos adornos máis chamativos:

Árbore de mans, 1º ESO

Árbore de aneis, 4º ESO

Deixamos mostra dalgúns dos obradoiros que se realizaron nas primeiras horas da mañá, antes do recreo e de maneira rotatoria.

Coreografía: Jerusalema, 1º ESO

Tangram, 2º ESO

Baile tradicional galego, 3º ESO

Bingo, 4º ESO

A continuación, despois do recreo recibimos a Caxoto, contacontos:

Momentos da súa actuación

E para rematar, entrega de premios dos concursos celebrados ao longo deste trimestre, a cargo de Xairo e Noelia de 4º ESO:

Gañadora do XV Concurso de Cabazas e tamén gañadora do III Concurso de Haikus e Haigas contra a Violencia de Xénero, na categoría de 1º/2º ESO: Cristina, 1º ESO

Gañadoras do XV Concurso de Cabazas: Andrea e Carla, 2º ESO

Gañadora do III Concurso de Microrrelatos de Samaín na categoría de 1º/2º ESO: Alba, 1º ESO

Gañadora do III Concurso de Microrrelatos de Samaín na categoría de 3º/4º ESO: Yaiza, 4º ESO

Gañadora do III Concurso de Haikus e Haigas contra a Violencia de Xénero, na categoría de 3º/4 ESO: Lucía, 4º ESO

Moitas grazas pola vosa colaboración e entusiasta implicación!

Día Internacional contra a Violencia de Xénero

Neste tempo de pandemia, a familia educativa do Fonmiñá reunímonos nun día ben gris para mostrar o noso rexeitamento contra outra pandemia: a violencia contra as mulleres.

Elaboramos os nosos carteis coa palabra NON en distintos idiomas (galego, francés, castelán, inglés, árabe, chinés, alemán...); tamén formamos unha cadea humana cun NON ben grande!

Xuntos remando na mesma dirección!

Até final de mes continuaremos elaborando haikus e haigas contra a Violencia Machista. 

III Concurso de Haikus e Haigas contra a Violencia Machista

Preparamos a próxima edición coa ilusión de xuntar as nosas mans e a nosa creatividade para loitar contra a violencia machista. Así, unha vez máis, queremos convidar a toda a comunidade educativa a participar neste concurso de haikus e haigas. 

O primeiro ano participou o alumnado, o segundo ano sumámonos o profesorado e o persoal non docente; estes  traballos foron recollidos nun libro que temos ao voso dispor na biblioteca. E nesta terceira convocatoria queremos convidar as familias a que formen parte das nosas reivindicacións.

Aquí deixamos as bases:

Para participar podedes recoller as cartolinas en conserxería e despois entregalas na biblioteca ou envialas ao seguinte correo: bibliotecafonminha@gmail.com

Nesta loita sumamos todos e todas!

Día das Librarías

Unímonos a unha celebración moi especial: o Día das Librarías.

Estes espazos teñen as portas abertas a lugares marabillosos nos que viviremos grandes aventuras a través dos seus libros.

Que fariamos sen os libreiros e libreiras? Sempre atendéndonos con amabilidade e aconsellándonos nas nosas eleccións.

 Moitas grazas polo voso bo facer! 

XV Concurso de Cabazas

Aquí temos o orgullo de presentarvos as artistas gañadoras do XV Concurso de Cabazas.

• "Aula anti.covid" de Cristina (1º ESO)
• "O rural á nosa maneira" de Andrea e Carla (2º ESO)

Parabéns ao resto de participantes polas vosas artísticas creacións!

Moitas grazas polo voso fantástico traballo!

Samaín 2020

 Nesta semana recibimos as cabazas e os microrrelatos. Nos próximos días resolveremos os dous concursos. 

Coma todos os anos, son terroríficas as vosas creacións!

Grazas a todas e todos pola vosa participación!