 |
| Imaxe tomada de http://bvg.udc.es |
Nun mes de abril de hai unha ducia de anos, tivemos a sorte de recibir a
Xabier Docampo e a
Xosé Cobas, o seu ilustrador "de cámara". Viñan coa idea de nos
pintar un conto e iso fixeron.
Xabier narraba e Cobas pintaba, e os alumnos e alumnas alí presentes, colaboraban no desenvolvemento da historia. A actividade transcorrera no Salón de Actos da Casa da Cultura do Concello, porque daquela había pícaros dabondo para ocupalo enteiro e non había espazo físico para que collesen todos na biblioteca. Alí nos citamos con eles dous, chegaron puntuais coma reloxos e
comezou a maxia...
Agora quédanos o debuxo de Cobas que enmarcamos como recordo daquela bonita xornada, e as palabras de Xabier, na memoria dos que estabamos alí, e nos seus libros que o Papalouzas garda na biblioteca con moito agarimo🐭📒📙📘 . Todos estes anos rapaces e rapazas de 1º e 2º de ESO puideron gozar de
Cando petan na porta pola noite,
O pazo baleiro ou
O misterio das badaladas. Grazas por aquel día, querido Xabier, que teñas unha boa viaxe.🍃🍃
Ningún comentario:
Publicar un comentario