Día da Poesía

No curso pasado, por estas datas, estabamos no inicio do confinamento, con moita mágoa non puidemos celebrar este día...

Mais este ano, celebrámolo dun xeito moi especial. Comezamos de maneira anticipada, o xoves 18 de marzo visitounos, por terceira vez, Xurxo Mariño, para falarnos de "Poesía e ciencia". Parece difícil establecer relación entre ambos conceptos, pero convenceunos totalmente. 

Hai algo máis poético? Son estes algúns exemplos...entre outros.

- "Estamos feitos de po de estrelas", ten unha explicación científica, todo o que está sobre a terra forma parte dos asteroides que deron lugar a formación dos planetas...

- "Teño no peto os raios do sol", pois claro...se gardo nel un fragmento de carbón (mineral), este formouse cos raios de sol que incidiron nas plantas fosilizadas que o compoñen...

Mostra dos minerais ( ferro, carbón, granito, cuarcita...) dos que fixo poesía...

Entre os rapaces e rapazas amosando o mineral de ferro...

Ensinando o granito e os seus compoñentes...

O que ten na man é o carbón (mineral)...

Un bifaz de cuarcita de miles de anos...

Mesmo entregou diplomas ás alumnas de 2º ESO que difundiran a ciencia polas aulas do IES Fonmiñá o 11 de febreiro, Día da Nena e da Muller na Ciencia.

_________________________________________

Na semana do 22 ao 26 de marzo, aínda seguimos rendendo homenaxe á poesía, xénero literario ao que, por veces, nos achegamos con certas reservas. Aquí deixaremos mostra dos distintos traballos realizados nas materias de Lingua e Literatura Castelá (1º, 2º e 4º) e Lingua e Literatura Galega (1º, 2º, 3º e 4º).

O alumnado de 1º e 2º elaborou "Poemas revelados", partían de textos poéticos e en prosa das Sinsombrero (Luísa Carnés, Federica Montseny, Ernestina de Champourcín, Carmen Conde, María Moliner, Silvia Mistral, Rosa Chacel, Concha Méndez, María Zambrano, Mª Teresa León e Josefina de la Torre) e de poetas actuais (Elvira Sastre, Patricia Benito, Olga Buho) , neles seleccionaban palabras clave para compor outro poema, e finalmente, agochaban o resto do texto ben tachando con rotulador negro ou ben cun debuxo que tivese relación co novo poema creado.

"Poemas revelados" de 1º e 2º ESO

O alumnado de 4º realizou a mesma actividade, mais con poemas das Sinsombrero (as alumnas) e con poemas dos poetas da Xeración do 27 (os alumnos).

Na materia de Lingua e Literatura Galega, o alumnado de todos os grupos elaborou un "Foto-poema", sacaron fotos da súa contorna e crearon cadanseus poemas inspirados na fotografía.

"Foto-poemas" de todos os grupos

Grazas a todas e todos pola vosa implicación!

 

                              

LERLEREI ao sol

 Hoxe reunímonos para comentar a obra lida durante este trimestre: 22 segundos de Eva Mejuto.

Tiñamos unha encomenda: destacar o personaxe máis significativo da obra e o motivo da nosa escolla.

 Moitas de nós coincidimos na selección: o avó Ramón, entrañable coma todos os avós; aínda habendo unha gran distancia xeracional entre el e o seu neto, comprende e apoia todo o que el fai, e mesmo lle axuda a tomar decisións importantes na súa vida.

A nosa conversa centrouse na valoración de personaxes: avó, Anxo, Álex, Ana...

Coa atención centrada en...

Preparamos unha actividade colectiva, repartimos ao chou personaxes escritos en papeliños de cores, devolverémolos escritos con calidades dos e das personaxes que nos tocaran; cando os teñamos todos, elaboraremos un mural coas nosas valoracións.

Tamén recolleremos da obra frases célebres para nós, por exemplo: "O que non se di é coma se non existise"

As alumnas de 1º escollendo papeliños de cores...

Matilde recollendo cores...

Alicia busca a súas cores favoritas...

As alumnas de 4º apañando papeis...

Até a próxima reunión! Moitas grazas pola vosa implicación!

Día de Rosalía de Castro

Hoxe 24 de febreiro, non podía ser doutro xeito, festexamos o aniversario da nosa escritora; para iso a nosa biblioteca vestiu a súas mellores galas para recibir a toda a comunidade educativa. Recitamos unha boa selección de poemas de diversas temáticas (intimista, costumista, amorosa e social), en castelán e en galego, e das obras Cantares gallegos, Follas novas e En las orillas del Sar; con eles enchemos o centro de sentimentos, paixóns e reivindicacións, nun día tan especial para as Letras Galegas.

Fixemos gravacións que publicaremos en breve na nosa canle Radio Escolar Fonmiñá. Aquí tedes unha pequena selección fotográfica de distintos momentos da xornada poética.

A camelia, xa é coma se fose unha flor autóctona...

Cristina e Xurxo recitando o eterno poema "Negra sombra"

Brais lendo con calma... e escoitando as campanas de Bastabales

Cristina, convencéndonos de que as "plantas hablan"

Bárbara dominando o escenario, asegurándonos que  "naseu cando as plantas nasen"

Maruxa loando a fermosa paisaxe galega...

Lorena pechando o recitado co poema final de Cantares gallegos, pedindo desculpas pola falta de "grasia" pero enxalzando o "sentimento" mostrado...

Lucía amosando a dureza da emigración, xunto cos seus compañeiros, os técnicos de radio (Pablo, Álex e Xairo)

Moitas grazas a alumnado, profesorado, persoal non docente e persoal da limpeza; e en especial aos tres  profesionais técnicos de radio: Pablo, Álex e Xairo.

Un Entroido diferente...

Esta semana celebramos un Carnaval ben distinto, mais non podiamos quedar sen ENTROIDO...

Desde o martes fomos obedecendo aos "mandados do meco"... foinos dando  distintas ordes:

• Martes: traer algo na cabeza (chapeu, perruca, pucha...)
• Mércores: adornarnos con abelorios ( colares, aneis, pulseiras...)
• Xoves: carecterizarnos de científicas e científicos... para conmemorar o Día da Muller e Nena na Ciencia
• Venres: sumar todo o dos días anteriores...

Aquí deixamos mostra do paso do entroido polo IES Fonmiñá...

As  fantásticas científicas de 1º ESO

A científicas de 2º despois dunha das espectaculares presentacións Con A de astónomas

As científicas e científico de 3º ESO 

4º ESO lucindo as súas mellores galas

Departamento de Mates...en acción!

O equipo de garda ben disposto!

Tamén na biblioteca...

Moitas grazas a todas e todos pola vosa implicación!

Textos pola Paz

 Outro ano máis, o noso alumnado traballou  distintos tipos de textos, pero cunha finalidade única unirnos na loita pacífica por un ideal común: a paz, a non violencia, o respecto, a igualdade...

Deixamos mostra nesta exposición:

1º ESO: Noticia e carteis; 2º ESO: entrevista a Gandhi en varios idiomas (galego, castelán, francés, inglés e árabe.

3ºESO: Tempo de Paz (infomación meteorolóxica peculiar), cantigas de amigo adaptadas, cartel; 4º ESO: Poemas vangardistas, audioguías, cartas pastoricenses e canción en inglés.

En breve publicaremos un vídeo coa lectura dos textos e algo máis...

LERLEREI

O Club de Lectura LERLEREI vén de rematar as actividades relacionadas co cómic lido e comentado no primeiro trimestre: Zenobia de Morten Dürr, premiado no 2016 como Mellor Cómic e Mellor Cómic Infantil polo Ministerio de Cultura de Dinamarca.

Deixamos aquí boa mostra do voso traballo:

 

Un booktrailer:

E un podcast na nosa canle de iVooox: Radio Fonmiñá

Continuaremos coa marabillosa aventura de ler, e aínda máis fantástico é o feito de compartir opinións e comentarios con todas e todos vós.

Moitas grazas a todas e todos pola vosa colaboración e implicación!

Conmemoramos 60 anos da publicación de...

 O 5 de xaneiro de 1961 a Editorial Follas Novas publicaba na Arxentina Memorias dun neno labrego de Xosé Neira Vilas.

 Esta obra, traducida a moitas linguas (alemán, chinés, portugués, castelán, ruso, italiano, checo, inglés, francés...), reflicte a vida do mundo rural  de mediados do século XX, dende a perspectiva dun neno.

"Eu son Balbino. Un rapaz da aldea. Coma quen di un ninguén. E, ademais, pobre."

Así comeza a obra máis lida da literatura galega, nela denúncianse as inxustizas, o caciquismo e a emigración que sufría a sociedade galega daquela época.

Esta é a portada da segunda edición publicada xa en Galicia por Ediciós do Castro, en maio de 1968.

Adaptación teatral de Cándido Pazó, representada en 2011:

Así falaba de Balbino, o seu creador, en 2012:

Escoitamos unha versión musicada polo grupo  A Quenlla:

Convidámosvos a gozar da lectura (ou relectura) desta obra. Está ao voso dispor na nosa biblioteca. Verémonos pronto!

Encetemos o ano lendo!  Felices lecturas e feliz ano 2021!