VOLVE A CALIGRAFÍA!

Queredes facer unha bonita portada para un traballo de clase? Ou ben escribir unha tarxeta personalizada a un amigo ou amiga para lle dar os parabéns polo aniversario ou para acompañar un agasallo? Apetécevos decorar a parede do voso cuarto ou unha camiseta branca aburrida?
O Papalouzas fíxose cun libro que vos pode dar ideas boísimas. Na biblioteca temos dende hai uns días Dibujar letras a mano. Aí atoparedes consellos e plantillas para practicar e máis de 40 alfabetos inéditos que vos van encantar.

Sabiades que a caligrafía, ademais de ser unha arte, axuda a mellorar a concentración e a atención?

Probade, aínda que pensedes que non se vos dá ben, poden saír resultados sorprendentes!